HANDBOLTASKÓLINN Í BARCELONA

Þar fá metnaðarfullir leikmenn tækifæri til að æfa eins og atvinnumenn í eina viku við toppaðstæður í sólinni á Spáni undir stjórn topp þjálfara.

Tvær handboltaæfingar eru á hverjum dag auk þess sem farið í fjölmarga aðra þætti sem tengjast handboltanum, svo sem styrktaræfingar, liðleikaæfingar og æfingar til að minnka líkurnar á meiðslum.

Áhersla er lögð á að bæta tækni strákanna, auka leikskilning og samvinnu við aðra leikmenn. Æfingarnar eru einstaklingsmiðaðar og einnig er lagt mikið upp úr liðsheildinni. Í handboltaskólanum er lögð mikil áhersla á  markmannsþjálfun.  Á hverri æfingu er sérstakur tími fyrir þá, þar sem farið er í grunnæfingar og tæknina, svo eitthvað sé nefnt. Þetta er algjört drauma umhverfi fyrir alla unga handboltamenn sem vilja ná langt. 

Haldnir verða fyrirlestrar þar sem strákarnir eru fræddir um ýmsa hluti sem skipta máli fyrir þá sem vilja ná langt í handbolta, svo sem heilbrigt líferni, hugarfar,  markmiðssetningu, næringu og fleira. Þá verða videofundir þar sem verður farið í leikfræði og horft á myndir frá leikjum með meðal annars með Barcelona og íslenska landsliðinu.

Farið verður á seinasta heimaleik deildarinnar hjá FC Barcelona og auk þess sem inni er í myndinni að horfa á æfingu hjá liðinu.

Þjálfarar verða Sigursteinn Arndal þjálfari FH, Einar Andri Einarsson yfirþjálfari hjá FH, Stefán Árnason aðstoðarþjálfari Aftureldingar og Árni Stefánsson margreyndur þjálfari.

Gist verður á góðu gistiheimili sem er rétt hjá glæsilegri höll sem æft verður í. Höllin er staðsett á besta stað í Barcelona rétt hjá ströndinni. Frábært tækifæri til að æfa við glæsilegar aðstæður og njóta sín í sólinni.

Verð kr. xxx.xxx Innifalið er flug, gisting á góðu gistiheimili, fullt fæði (3 máltíðir á dag), allur akstur, miði á handboltaleik hjá FC Barcelona, tvær æfingar á dag, fyrirlestrar og fundir, vatn á æfingum og æfingafatnaður merktur skólanum.

Allar upplýsingar gefur Árni Stefánsson, sími 8627576

Netfang:  arnistef@simnet.is