Handboltaskólinn í Þýskalandi

Handboltaskólinn er fyrir íslenska krakka á aldrinum 13-17 ára og er þetta þrettánda árið í röð sem skólinn er haldinn. Skólinn er bæði fyrir stráka og stelpur og viljum við endilega fá sem flestar stelpur.

Farið verður í eina ferð árið 2025. Ferðin er 22. – 29.júlí.  

Íslenskir þjálfarar eru í skólanum, allt þrautreyndir og góðir þjálfarar.

Um er að ræða æfingabúðir í eina viku þar sem krakkarnir búa í íþróttamiðstöð í þýska bænum Haldensleben, skammt fyrir utan Magdeburg og æfa handknattleik við toppaðstæður. Aðstaðan er mjög glæsileg og allt til alls, gistingin, maturinn, leiksvæði, æfingaaðstaða og fyrirlestrasalur.

Tvær handboltaæfingar eru á hverjum dag auk þess sem farið í fjölmarga aðra þætti sem tengjast handboltanum, styrktaræfingar, liðleikaæfingar og æfingar til að minnka líkur á meiðslum.

Áhersla er lögð á að bæta tækni krakkanna, auka leikskilning og samvinnu við aðra leikmenn. Æfingarnar eru einstaklingsmiðaðar og einnig er lagt mikið upp úr liðsheildinni. Þetta er drauma umhverfi fyrir unga handboltamenn sem vilja ná langt.

Í handboltaskólanum er lögð mikil áhersla á  markmannsþjálfun. Við erum með markmannsþjálfara sem sér alfarið um markmennina. Á hverri æfingu er sérstakur tími fyrir þá, þar sem farið er í grunnæfingar og tæknina, svo eitthvað sé nefnt. Undanfarin ár hefur verið gífurlega gaman að fylgjast með markmönnunum í skólanum okkar, því á einungis einni viku hafa þeir náð að bæta sig mikið og auka mikið við tækni í markinu.

Á hverjum degi verða fyrirlestrar þar sem krakkarnir eru frædd um ýmsa hluti sem skipta máli fyrir þá sem vilja ná langt í handbolta, svo sem heilbrigt líferni, næringu,  hugarfar,  markmiðssetningu og fleira. Þá verða videofundir þar sem verður farið í leikfræði og horft á myndir frá leikjum með meðal annars með SC Magdeburg og íslenska landsliðinu.

Hópnum er boðið að koma og horfa á æfingu hjá stórliði SC Magdeburg. Krakkarnir fá að fylgjast með hvernig þeir bestu í heiminum æfa og hvað þeir þurfa að leggja á sig til að skara fram úr. Þetta er gott tækifæri fyrir krakkana til að fá innsýn í líf atvinnumanns í handbolta og sjá hvernig hlutirnir eru gerðir hjá bestu liðum heims. Krakkarnir fá að hitta leikmennina, fá að láta taka myndir af sér með þeim og fá hjá þeim eiginhandaráritanir

Allar upplýsingar gefur Árni Stefánsson, sími 8627576

Netfang:  arnistef@simnet.is

Comments